Natasha's lovely piggy's home!

9-28去睇左Avril Lavigne既演唱会，相信睇左琴日南都娱乐版既人应该对依场演唱会都略有了解了。不过我都要自己分享下我既心得，哈哈。

19：45就已经到达会场，不过就见到排晒长龙，由于严格既安检，使得入场时间超长，不过好彩今次d观众超有秩序，全部听听话话甘排住队，无拥挤，终于20：30正式开场。

灯光突然熄灭，全场尖叫~~~~~~~~以《Girlfreind》为开场，连续几首既快歌，已经令到坐系楼下既观众冲左去前面既围栏处。跟住Avril再用钢琴自弹自唱左“When you are gone”，用吉他又弹左两首，再打鼓又唱左首（唉，最衰自己唔得左歌名了）。Avril真系好正，全场劲飙歌，现场既感觉就系一路听紧大碟+现场劲high既气氛。真系好佩服佢点解可以生得甘靓女，把声又甘正，性格有甘型？？！！Avril全场换左4套上衣，黑色背心，黑色T仔，黑色长袖外套同红黑斑马纹既长袖外套，秉承佢一贯punk既作风，烟熏妆，一上场就一个侧手翻.........再一次尖叫！！系成个演唱会既过程中，佢无多讲几句，净系用佢既音乐同歌声就征服左全场，系一个环节里面，Avril举起左手，左边既观众就欢呼，举起右手，右边既观众就欢呼，翘起双手，全场静默，最后举起双手，全场牵起既又系一次尖叫+欢呼。Avril就系甘用简单既动作，就令到在场既每一个人都沉浸系佢自己创立既音乐世界入边。

最后，佢介绍左自己既special guest-佢husband，Sum41既主场德瑞克（唔知英文名既正确拼写），大家就好友默契地合唱左首。不过个人感觉佢既老公就真系一般，娶到Avril真系佢既福气咯。压轴既两首歌，用Avril自己既话来讲就系对于佢系最意义深刻既，并且都系我最favorite既——《Complicated》& 《Sk8er Boy》，全场大合唱，响亮且感动......

唱完Avril就跑翻入后台，大家都仲寄望于encore，但随住灯光既亮起，所有人都明白到佢唔会跑翻上台。

Anyway，顺便讲下果晚去睇演唱会既好多都系打扮得好靓或者系好型既年轻女青年，令我不得不慨叹自己好似已经同“年轻”有d脱节了，呵呵.........

 

睇左我最近上载既图片，大家应该都知道我去左两个地方啦，哈哈！其实相比起身自己系钟意九寨同黄龙多d既。因为九寨既色彩丰富好多，可能系季节问题挂，坝上宜家就周围都系金色，金色既草啊，金色既树啊，金色既麦田啊，金色既沙漠啊......我到左第三日就已经有d审美疲劳了。我地d行程就仲搞笑，本身计划每日都系睇日出，睇日落，但由于系第一日既日出已经将我地成个team d人冻傻左，所以之后每日既行程都变成睇日落了。自己真系未算咩摄影爱好者，我见到周末既时候从北京开来左丧多既Q7，悍马，benz R300......拿住几个袋既镜头+相机，平则都成皮野，多则十几皮野，好感慨北京人点解可以甘有钱......我几经辛苦地借到部单反，所以影既相都叫有返d交代。

讲翻九寨同黄龙先，果度既水就真系清到无得讲啊，系果度真系体会到咩叫人间仙境啊。宜家去既话仲正，红，黄，蓝，绿，色彩层次丰富。其实我都唔系话唔钟意摄影既，只不过未有足够既资金，你系根本无必要去玩摄影，因为摄影好容易会令一个人倾家荡产噶。系坝上，同我住一间酒店既北京人，就系短短2个几月，开住部悍马，玩左内蒙，新疆，就洗左20+w！！！搞到我顿时呆左，除左有少少惊叹之余都有好多分既羡慕啊，唔知几时有日我都可以活得甘潇洒呢？？

努力啦，每年都可以甘样玩几个地方既话，我既梦想都可以好快实现咯了~~~

琴日，一位友人send左个丧搞笑既视频俾我，虽然只有短短两分几钟，但足以笑到你口都歪。除左有森美同吴君如两位笑足全场既支持人之外，仲有梗系Tony Jaa讲泰文俾人笑果时既不解同无奈（因为距每讲一个词森美同吴君如就笑到趴系度），可以参考下以下既发音：

颜色=屎（正确发音“sea”）引用森美既一句：净系颜色都系“屎”既话，甘多只色有排“屎”了.......

粉蓝色=屎忽（正确发音“sea fa”）

青色=屎巧（正确发音“sea keau”）

咖啡色=屎lun但（正确发音“sea narm dang”）

黑色=屎tum（正确发音“sea dom”）

七彩=你赖屎（正确发音“lei lai sea”）

睇到依个时候，我简直系笑到爆肠啦~~~~~

上次去泰国，我记得个导游都教左好地几句泰文，唔系似粗口就系d好不雅既用语。依家记得既只有两个词：

影相=大碌

相片=碌大

得闲就真系学返几句泰文，包你日日都笑口常开啊！

大家可以google稳下“Tony Jaa 教泰文”既视频，自己睇过先可以领会语言文学入边果种真谛........

 

 

 

今日睇左肥菜既Blog之后，就忍唔住都要写翻篇关于星期六晚变态游戏既日志了！！！

由于星期日去唔到老陈既生日party，我就索性约埋碧桂园班团友去某位有钱人既超级豪宅度吹水了。肥菜提议要我拿Wii，于是我都长途跋涉，“dick”住部野就来兜晕成个广州之后，终于到达左目的地了。我地循例地吃左一d垃圾食品，吹左下关于地震既花边新闻之后，就开始拿部Wii出来了。

本人甚少玩距，所以净系接线都接到我地成头汗，（又或者可能系个豪宅丧大，开左好耐空调都未凉，搞度gue宁提议要部柜式）。终于搞掂，可以开波了。我地先玩左贱兔，由于我同肥菜既技术性失误，竟然俾昱同gue fling到只牛出去，而我同肥菜就原地将只牛da系地，所以俾gue威水左一阵。于是苻，我地就决定转碟，拣左只几样运动都有既碟，开始左当晚既变态游戏了～～～

先系网球，狂抽左一阵，右臂开始肌肉硬化了。然后无几耐，我地就转左拳击，全晚最变态既游戏就集中左系拳击了，因为你可以对住对手乱甘出拳，完全唔会有一分钟既休息时间，就连系开始pratice果part，你就会好兴奋甘死出拳，原因多数都系因为你个对手会系gue宁或者广亮，你就会好有欲望甘抽低距。果晚最滞既我谂都系非gue宁莫属嘎啦，无论系玩任何一个游戏距都会输，仲系每个游戏中都证明左距有一样“不能”。例如，打网球果时距有“上网不能”，即网前果个人唔识挡波；辘ling时距有“西ling不能”，即系d波起唔到西；抽拳时距“乜起不能”，因为俾人抽低之后，我地既一般可以再起两次身，而gue宁既一般都只可以起一次身。所以导致到gue果晚好郁闷，最后要玩到凌晨一点先放我地翻屋企。每个人轮住同距抽，无论系玩边个项目，距都输。唉，所以我地都对距果晚既表现都深感遗憾。

于是，就系由于gue宁既执着，我地个个人都玩到成个右半边身都几乎“瘫痪”。我直到今日为止先叫好翻d，无甘痛咋！！！

昱话下次要约出去打d真波，不过我觉得如果可以定期系依间豪宅甘玩翻次就已经俾系出面租场过瘾得多啊，超大型客厅（可以放张波台），超大型电视（52寸），唔拿来玩Wii都觉得shai左距啦！！！

下次再玩过，最多我辛苦d再“dick”部野出来啦，hoho～～～

上个星期六，我冒住大雨，忍住着高踭鞋既痛苦，山长水远甘系我公司赶到体育中心睇期待已久既Eason演唱会。
简单介绍下我张票既来历啦，系由Erica小朋友既同事无拉拉退出来折价让俾我既，原价880，到成交价510，都算系甘啦，虽然后尾薇女同我讲话距有440既，不过算啦，都唔差果dd啦，Eason喔，值既，何况系离舞台第13排，好前啊～～仲有件趣事就系，我竟然系现场总共撞到8个熟人，原来大家都系Eason既Fans来嘎。
终于入场啦，因为Michael秉承一向漏气既作风，搞到我好men先赶到入场果度。虽然离入场剩返10min，不过都叫赶到。系依度仲要多谢大大原，做左老豆果然唔同，乜野嫁撑都带齐：遮，雨衣，防水袋，大背囊，等我依个平时鸡手鸭脚既人都无会甘lei hei。
开场啦，全场尖叫，但d雨都系甘落到88声啊，不过话时话，美丽既歌声唔知系咪可以感动上天既呢？连Eason好似都发现，距自己都话距一唱歌就细雨，距就话甘我落力d唱啦，过左大概40分钟之后，本身落dog shit甘既雨竟然停左，可能真系俾人感动左啦。
Eason大大话话唱左20首歌左右啦（真系唔记得甘清楚了），不过最讨厌既就系系广州开演唱会距竟然大部分既歌唱左国语，连当年最经典既“明年今日”都唱成“十年”，最后俾山顶果边既朋友一阵阵嘘声，再加上嚎叫“广州话！广州话!”之后，现场监制接受左现场观众既意见，叫Eason重唱Cantonese Version，Eason话音未落，全场就欢呼＋尖叫了，成晚既高潮都系依个时候，我成个人就系依个时候觉得真系好感动，成个人都震晒，可能Eason真系唱得好有feel，又可能系依首歌陪伴我渡过左d好特别既日子，所以听起身亦另外有feel。
时间过得好快，2个几钟话甘快就完，无嘉宾，无encore，不过都听得好enjoy，因为听现场好似系度听紧碟甘。现场观众好系甘二甘叫左两声Encore就放过左Eason，可能中国人本身既性格都比较内敛，所以都无去强求。
听完演唱会之后成个人都觉得舒服左好多，暂时将最近唔开心既野都忘记左。最后仲顺路去探左小小原，仲俾大大原夫妇大晒恩爱，唉，所以俾人cang到都唔好意思多逗留了，所以都系喇喇林走佬了。
我谂下次Eason再来开演唱会既话我都会再去既，不过唔知到时边个人会肯陪我去了，唉，到时再算了，希望到时有人会真心同埋好开心甘陪我啦！

 

 

 

 

 

 

 

 

 

 

 

 

 

大家睇下以下既图片，就知道我同Vitas原来系有关系嘎～～～真开心！

 

以上两个人系密友，好f 嘎,左边既就系Vitas，请留意右边既女仔（aksana）,and then......

 

右边既女仔就系第一张图既女仔（aksana），左边既就唔使多讲啦，我个f兼阿head，and then......

 

右边既女仔就系第二张相既人，而左边既就系我啦～～～

所以，综上所述，Vitas同aksana F紧，aksana系我个head（又叫natasha）既外甥女，我系natasha既f加下属，即Vitas同我已经“扯”上关系啦，哇哈哈.........系咪好有创意呢～～～